Friday, November 5, 2021

រកផ្លូវវាងឱ្យហើយទៅ ....

រដ្ឋបាលរាជធានីភ្នំពេញបានចេញសេចក្ដីជូនដំណឹងមួយ ស្ដីពីការបញ្ចៀសចរាចរយានយន្តគ្រប់ប្រភេទ ជាបណ្ដោះអាសន្ន ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារទីស្ដីការថ្មីនៃក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី០៨ ខែវិច្ឆិកា ឆ្នាំ២០ ២១ ចាប់ពីម៉ោង ០៥:០០នាទីព្រឹក រហូតដល់បញ្ចប់កម្មវិធី៕





ថ្ងៃចេញផ្សាយ : November 05, 2021 | អ្នកនិពន្ធ:

Thursday, November 4, 2021

ថ្នាំញៀនជិត៦០ គីឡូក្រាម បង្ក្រាបបានពីជនសង្ស័យចំនួន ២នាក់ក្នុងភូមិសាស្ត្ររាជធានីភ្នំពេញ...

ភ្នំពេញ៖ កម្លាំង សមត្ថ កិច្ចនគរបាលជំនាញ នៃមន្ទីរ ប្រឆាំងបទ ល្មើសគ្រឿងញៀនក្រសួងមហាផ្ទៃ បានចុះបង្ក្រាបករណីកែច្នៃ ជួ ញ ដូរគ្រឿងញៀន និងបានចាប់ខ្លួនជនសង្ស័យជាជនជាតិវៀ ត ណាម និង ខ្មែរ១នាក់ ព្រមទាំងរឹបអូសគ្រឿងញៀនបានជិត ៦០ គីឡូក្រាម នៅក្នុងភូមិសាស្ត្ររាជធានីភ្នំពេញ។


សមត្ថកិច្ចនគរបាលប្រឆាំង បទល្មើសប្រឆាំងគ្រឿងញៀន បានឱ្យដឹងថា ជនសង្ស័យទាំង ២នាក់ ខាងលើនេះ ទី ១៖មានឈ្មោះ ង្វៀង វីងទី ភេទប្រុស អាយុ ២៦ឆ្នាំ ជនជាតិ វៀតណាម និងទី២៖មានឈ្មោះ ហេង គឹមហេង ភេទប្រុស អាយុ ២៥ឆ្នាំ ជនជាតិខ្មែរ ។


ចំណែកឯ វត្ថុតាងចាប់យកបានរួមមាន៖

-មេតំហ្វេតាមីន (ICE) ទម្ងន់សុទ្ធ ៣.៥១ក្រាម ។

-កេតាមីន (KETAMIN) ទម្ងន់សុទ្ធ ៥០.៤២ក្រាម ។

-អ៊ិចស្តាស៊ី (MDMA) ទម្ងន់សុទ្ធ ១គ.ក្រ ៥១៧.៣២ក្រាម ។

-មេកាទីណូន (METHCATHINONE) ទម្ងន់សុទ្ធ ៤៦ គ.ក្រ ៧៧៤ក្រាម ។

សរុបរួម ទម្ងន់ ៤៨ គ.ក្រ ៣៤៥.២៥ក្រាម ។

សារធាតុផ្សំ (មិនច្បាស់) ៦ គ.ក្រ ២១៤.៣៦ ក្រាម ។


បច្ចុប្បន្ន ជនសង្ស័យ និងវត្ថុតាងខាងលើ ត្រូវបានកម្លាំងសមត្ថកិ ច្ចនគរបាល កំពុងរៀបចំឯកសារកសាងសំណុំរឿង ដើម្បីបញ្ជូនទៅ សាលាដំបូងរាជធានីភ្នំពេញ ចាត់ការបន្តតាមនីតិវិធី ។ហើយប្រតិ បត្តិការបង្ក្រាបនេះគឺធ្វើឡើង កាលពីថ្ងៃទី៣១ ខែតុលា ឆ្នាំ២០២១ កន្លងមកនេះ៕




ថ្ងៃចេញផ្សាយ : November 04, 2021 | អ្នកនិពន្ធ:

Wednesday, November 3, 2021

ឯកឧត្តម គួច ចំរើន អភិបាលខេត្តព្រះសីហនុ បានថ្លែងថា ដើម្បីចាត់ចែងដោះស្រាយបញ្ហាការគ្រប់គ្រងសំរាម និងសំណល់រឹងនៅតាមក្រុងស្រុកឱ្យកាន់តែមានប្រសិទ្ធភាព

ព្រឹកថ្ងៃពុធ ១៣រោច ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣ ខែវិច្ឆិកា ឆ្នាំ២០២១ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងឯកឧត្តម ហេង ណារ៉េត អនុ រដ្ឋលេខាធិការក្រសួងបរិស្ថាន អញ្ជើញចូលរួមស្តាប់បទបង្ហា ញ ស្ដីពីក្របខណ្ឌការងារឈានទៅអនុវត្តប្រព័ន្ធថ្មីគ្រប់គ្រងសំរាម សំណល់រឹងទីប្រជុំជន។ 


ឯកឧត្តម គួច ចំរើន អភិបាលខេត្តព្រះសីហនុ បានថ្លែងថា ដើម្បីចាត់ចែងដោះស្រាយបញ្ហាការគ្រប់គ្រងសំរាម និងសំណល់រឹងនៅតាមក្រុងស្រុកឱ្យកាន់តែមានប្រសិទ្ធភាព ថ្ងៃនេះយើងមានបទបង្ហាញជាច្រើន ដែលជាយុទ្ធសាស្ត្រថ្មី ដើម្បីឱ្យការគ្រប់គ្រងសំរាមរបស់យើងបានស្អាត លឿន និងមានចិរភាព។ សម្រាប់ខេត្តព្រះសី ហនុ ឬក្រុងព្រះសីហនុ យើងទទួលបានទីលានចាក់សំរាមថ្មីមួយនៅស្រុកព្រៃនប់ បំរើឱ្យការដឹកជញ្ជូនសំរាមចាក់គរទុក។ ដោយសាររយៈពេលកន្លងមក យើងជួបវិបត្តិសំរាមនៅក្រុងព្រះសី ហនុ ទោះបីមានក្រុមហ៊ុនដឹកជញ្ជូនសំរាមបានប្រមូលសំរាមដឹកចេញពីក្រុង ដោយបន្តទៅចាក់រាយប៉ាយគ្មានសណ្តាប់ធ្នាប់ ការគ្រប់គ្រងគ្មានបច្ចេកទេស សំរាមបានប្រមូលចេញពីក្រុងយកទៅទុកកន្លែងផ្សេងតែប៉ុណ្ណោះ ដោយយើងមិនបានប្រើប្រាស់បច្ចេក ទេស ដើម្បីគ្រប់គ្រងសំរាមឱ្យបានត្រឹមត្រូវ។ យើងបានឯកភាពគ្រប់គ្រងទីលានចាក់សំរាម ដោយសូមឱ្យក្រសួងបរិស្ថានបង្កើតរដ្ឋាករមួយសម្រាប់គ្រប់គ្រងសំរាម ដែលជាដំណើរការថ្មីដែលកម្ពុជា ស្វែងយល់ការគ្រប់គ្រងទីលានចាក់សំរាម ឱ្យកាន់តែមានប្រសិទ្ធិភាព។ យើងត្រូវរៀបចំយន្តការ នីតិវិធីរកថវិកា ដើម្បីដំ ណើរការគ្រប់គ្រងសំរាម និងសំណល់រឹងនៅខេត្តព្រះសីហនុ។ ក្រុងព្រះសីហនុ មានការគាំទ្រពីមន្ទីរបរិស្ថាន រួមគ្នាធ្វើកិច្ចការជាច្រើន ក្នុងការចុះកិច្ចសន្យាជាមួយក្រុមហ៊ុនដៃគូរ ក្នុងការប្រមូលសំរាម និងរៀបចំប្រតិទិនបញ្ចេញសំរាម ព្រមទាំងដាក់ចេញនូវយុទ្ធនាការនៃការចុះបិទផ្សព្វផ្សាយកម្មវិធីបញ្ចេញសំរាមរបស់ប្រជាពលរដ្ឋតាមពេលវេលា។   


ឯកឧត្តមអភិបាលខេត្តបន្តថា រដ្ឋបាល ខេត្តខិតខំផ្សព្វផ្សាយនូវស្លាកសញ្ញាទាក់ទងនៃកាហាមបោះចោលសំរាម រួមទាំងការផាកពិន័យចាប់ពី ២ម៉ឺនរៀល ដល់ ៤០ម៉ឺនរៀល ប្រសិនបើមានការបំពានបោះចោលសំរាមមិនត្រឹមត្រូវនៅតាមបណ្តោយឆ្នេរសមុទ្រ និងតាមដងផ្លូវសាធារណៈ។  ឯកឧត្តមអភិបាលខេត្ត ក៏បានណែ នាំដល់ក្រុងស្រុកដែលបានចូលរួមប្រជុំតាមប្រព័ន្ធ Zoom Meeting ត្រូវយកចិត្តទុកដាក់តាមដានគ្រប់គ្រងសំរាមឱ្យមានប្រសិទ្ធភាព ដោយវានឹងជួយពង្រីកការគ្រប់គ្រងសំរាមក្នុងក្របខណ្ឌទូទាំងខេត្តរបស់យើងបានល្អ។ ព្រោះយើងមិនអាចទទួល យកការស្អាតតែកណ្តាល ក្រុង តែតាមដង ផ្លូវសាធារណៈ និងតាមឃុំ សង្កាត់ផ្សេង ទៀតបន្តពង្រាយសំរាមនោះទេ។ ទាក់ទងនឹងការទទួលភ្ញៀវទេសចរ យើងត្រូវរួមគ្នាគិតគូរតាមដានប្រមូលផ្តុំរកដំណោះស្រាយ លើការគ្រប់គ្រងសំរាមកាន់តែល្អប្រសើរថែមទៀត។ 


ឯកឧត្តម ហេង ណារ៉េត អនុរដ្ឋលេខាធិការក្រសួងបរិស្ថាន មានប្រសាសន៍ថា រាជរដ្ឋាភិបាលបាន ដាក់ចេញគោលនយោបាយ សំដៅលើកកម្ពស់ប្រព័ន្ឋគ្រប់គ្រងសំរាម និងតម្លៃឱ្យមានប្រសិ ទ្ធិភាពតាមប្រព័ន្ធថ្មី ទី១.ឆន្ទៈ ២.ការបេជ្ញាចិត្ត ៣.ធ្វើជាម្ចាស់ ដើម្បីធានាសមត្ថភាព និងសមិទ្ធផលក្នុងការគ្រប់គ្រងសំរាម និងសំណ ល់រឹង។ យើងត្រូវធានានិរន្តរភាពឱ្យមានប្រសិទ្ធភាព ដោយមានការចូលរួមពីក្រុមហ៊ុន អាជ្ញាធរ និងប្រជាពលរដ្ឋ ទើបក្រុងរបស់យើងមានភាពស្អាត និងមានពណ៌បៃតង។ បច្ចេកទេស និងបច្ចេក វិទ្យាក្នុងការអនុវត្តការប្រមូលសំរាម ក្រុមហ៊ុនត្រូវមានតួនាទីក្នុងការប្រមូលសំរាមចេញពីក្រុង ស្រុក។ ទន្ទឹមនោះប្រជាពលរដ្ឋជាអ្នកបង្កើតសំរាម ត្រូវធ្វើការញែកសំរាមឱ្យបានត្រឹមត្រូវ។ យើងក៏ទាមទារការអប់រំ ផ្សព្វផ្សាយឱ្យប្រជាពលរដ្ឋមានការយល់ដឹងកាន់តែស៊ីជម្រៅបន្ថែមទៀត ក្នុងការគ្រប់គ្រងបញ្ចេញសំរាមផងដែរ៕

















ថ្ងៃចេញផ្សាយ : November 03, 2021 | អ្នកនិពន្ធ:

Tuesday, November 2, 2021

គម្រោងផ្លូវ២ខ្សែ នៅឃុំជាងទងនិងឃុំត្រពាំងធំខាងត្បូងប្រកាសបើកឱ្យដាក់សំណើរដេញថ្លៃបានជោគជ័យ.

តាកែវ :  គម្រោងអភិវឌ្ឍន៍ផ្លូវ២ខ្សែគម្រោងនៅមូលដ្ឋាន ឃុំជាងទង និងឃុំត្រពាំងធំខាងត្បូង ស្រុកត្រាំកក់ ត្រូវបានអាជ្ញាធរ ប្រកាស បើកដំ ណើរការឱ្យក្រុមហ៊ុនដាក់សំណើរដេញថ្លៃយកដោយ ជោគជ័យ។  ដែលការប្រ កាស បើកឱ្យដាក់សំណើដេញថ្លៃខាងលើនេះបានធ្វើឡើងនៅព្រឹកថ្ងៃទី២ ខែតុលា ឆ្នាំ២០២១ នៅសាលាឃុំជាងទង។

ក្នុងនោះមុននឹង ប្រកាសបើកដំណើរការដេញថ្លៃ  លោកមេឃុំជាងទងបានក្រើនរំឭកដល់អ្នកទទួលការឬម្ចាស់ក្រុមហ៊ុនដែលមានបំណងចូលរួមដាក់សំណើរដេញថ្លៃទាំងអស់ត្រូវអនុវត្តវិធានការសុខាភិបាលឱ្យបានត្រឹមត្រូវ និងវិ ធានការ (៣ការពារ និង៣កុំ) របស់ប្រមុខរាជរដ្ឋាភិ បា លឱ្យបានខ្ជាប់ខ្ជួនបន្តទៀត ដើម្បីបន្តទប់ស្កាត់និងប្រយុទ្ធនឹងជំងឺកូវីដ១៩ ព្រោះជំងឺនេះនៅតែកំពុងរាតត្បាតនៅតាម មូលដ្ឋានសហគមន៍នៅឡើយ ។
ជាមួយគ្នានោះ លោក មេឃុំ ក៏បានបញ្ជាក់ដែរ ថាគម្រោងផ្លូវដែលដាក់ដេញថ្លៃនាពេលនេះគឺ គម្រោងផ្លូវបេតុង១ ខ្សែនៅឃុំជាងទង និងគម្ រោងសាង សង់ផ្លូវបេតុង១ ខ្សែទៀត ស្ថិតនៅក្នុងឃុំ ត្រពាំងធំ ខាងត្បូង ស្រុកត្រាំកក់ ខេត្តតាកែវ។គម្រោងផ្លូវប៉េតុងអាមេ មួយ ខ្សែដែលត្រូវសាង សង់ គឺមានប្រវែង០,៤០០គ.ម មានទទឹងបេតុង៦,០០ម កម្រាស់ បេតុង១៥០ម.ម ជើងទេM១:១,៥ម និងដាក់ស្លាកសញ្ញាគម្រោ ង០១កន្លែងផងដែ ការដេញថ្លៃបានទៅលើក្រុមហ៊ុន តុងលីហ៑ួ សំណង់ទូទៅខណៈដាក់តម្លៃទាបជាងគេក្នុងចំណោមក្រុមហ៊ុនចំនួន៤ ដែលដាក់សំណើដេញថ្លៃប្រកួតប្រជែងគ្នា និងអនុវត្តតាមគោលការណ៍ច្បាប់នៃការដេញថ្លៃបានត្រឹមត្រូវ ហើយត្រូវបានមន្ត្រីលទ្ធកម្មព្រមទទួលយក ។























ថ្ងៃចេញផ្សាយ : November 02, 2021 | អ្នកនិពន្ធ:

Friday, October 29, 2021

នៅសុខៗFacebook ប្តូរឈ្មោះក្រុមហ៊ុន ទៅជាក្រុមហ៊ុនMeta វិញ...

សាន់ហ្រាន់ស៊ីស្កូ៖ កាលពី យប់មិញនេះ នៅក្នុងការ ឡាយផ្ទាល់របស់ទំព័រ Mark Zuckerberg បានបញ្ជាក់ថា Facebook ទើ បនឹងផ្លាស់ប្ដូរឈ្មោះក្រុមហ៊ុនរបស់ខ្លួនទៅ ឈ្មោះថ្មី មួយទៀតថា Meta នៅក្នុងព្រឹត្តិការណ៍ Facebook Connect ប្រ ចាំឆ្នាំ ដែលក្រុមហ៊ុន Meta នេះនឹងក្លាយជាដំបូលកម្មវិធីល្បីៗជាច្រើនដូចជា Facebook Instagram WhatsApp Messenger ជាដើម ប៉ុន្តែសូមបញ្ជាក់ផងដែរថា មិនមែនប្តូរឈ្មោះកម្មវិធី Facebook នោះឡើយ។ នេះយោងតាមការចុះផ្សាយរបស់សារព័ត៌មាន NY Time ។


លោក Mark Zuckerberg បានបង្ហាញពីចក្ខុវិស័យរបស់ meta ដែល ដក ចេញ ពីពាក្យ metaverse មក ជាក្រុម ហ៊ុន មេរបស់ Facebook និងជាសំណុំនៃបច្ចេកវិទ្យាឌីជីថល ដើម្បី ទាក់ទងគ្នាទៅវិញទៅមក ដែលអនុញ្ញាតឱ្យអ្នកធ្វើអ្វីបានគ្រប់យ៉ាងតាមសេច ក្ដីប៉ងប្រាថ្នាតាមបែបច្នៃបង្កើតនៅលើ Meta។ សម្រាប់និយមន័យ Metaverse របស់ក្រុមហ៊ុន Meta វិញបាន សរសេរ នៅលើវេបសាយផ្លូវការរបស់ខ្លួនថា គឺជាការវិវត្តន៍ថ្មីនៃបណ្តាញទំ នាក់ទំនងសង្គម ដោយក្រុមហ៊ុននេះនឹងផ្ដោតលើការធ្វើយ៉ាងណាឱ្យ Meta verse ក្លាយទៅជារឿងពិត ដែល មនុស្សគ្រប់ គ្នាអាច ប្រើប្រាស់បាន ហើយឈ្មោះនេះនឹងឆ្លុះបញ្ចាំងពីការប្ដេជ្ញាចិត្តសម្រាប់អនាគតមួយនេះ។


លើសពីនេះ ខ្លឹម សារខាង ក្រោម នឹង បង្ហាញ ពីអ្វីដែល Mark Zuckerberg បានចែករំលែកស្ដីអំពីចក្ខុវិស័យ ដែលបង្កើត Me taverse ឡើង ព្រមទាំងបង្ហាញពីសក្តានុពលសង្គមពេញលេញមួយនៃ metaverse នាពេលអនាគត ដែលក្នុងនោះរួមមាន Horizon Home, Messenger calls in VR, Gaming, Presence Platform និង Spark AR updates ជាដើម៕








ថ្ងៃចេញផ្សាយ : October 29, 2021 | អ្នកនិពន្ធ:

Saturday, October 23, 2021

បុរសម្នាក់ហ៊ានបេីកត្រាក់ទ័រដេញបុកកងកម្លាំងពេលចុះអនុវត្តច្បាប់ ត្រូវបានឃាត់ខ្លួនភ្លាម

កំពង់ស្ពឺ៖ រសៀលថ្ងៃទី​២២​ ខែតុលា ឆ្នាំ២០២១ ដោយយោងតាមបទបញ្ជារបស់លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ ថខេត្តកំពង់ស្ពឺ កម្លាំង​កងរាជអាវុធហត្ថ​លេីផ្ទៃប្រទេស​ និង​កម្លាំង​ជំនាញកងរាជអាវិធហត្ថ ខេត្ តកំពង់ស្ពឺ​ ព្រមទាំង​កម្លាំង​មូលដ្ឋាន​កងរាជអាវុធហត្ ថ​ស្រុកឱរ៉ាល់​ បានសហការ​គ្នា​ ចាប់​ជន សង្ស័យឈ្មោះ​ នី​ កុយ​ ភេទប្រុស​ អាយុ​២៩ឆ្នាំ​ មុខរបរ​កសិករ​ មានទីលំនៅ​ភូមិ​ល្ងឹម​ ឃុំត្រពាំងជោ​ ស្រុកឱរ៉ាល់​ ។

 ក្រោយឃាត់ខ្លួន កម្លាំងបានដកហូតត្រាក់ទ័រចំនួន​ ០១គ្រឿង​ ម៉ាកKUBOTA ពណ៌ ក្រហម​ ពីករណី​បេីកត្រាក់ទ័រ​ដេញបុក​សមត្ថកិច្ច​យេីង​ ដែល​កំពុង​ចុះបំពេញភារកិច្ច​ ។

បច្ចុប្បន្ន​ ជនសង្ស័យត្រូវបានបញ្ជូនទៅបញ្ជាការដ្ឋាន​ កងរាជអាវុធហត្ថ ខេត្តកំពង់ស្ពឺ​ ដេីម្បីចាត់ការតាមនីតិវិធី​ រីឯត្រាក់ទ័រត្រូវបានរក្សាទុកនៅមូលដ្ឋានក​ងរាជអាវុធហត្ថស្រុកឱរ៉ាល់​ ។






ថ្ងៃចេញផ្សាយ : October 23, 2021 | អ្នកនិពន្ធ:

Friday, October 22, 2021

ផ្ទេរប្រេងចូលស៊ីទែនឆ្លងចរន្តភ្លើងឆេះការ៉ាស់សាំងផ្អើលរត់ជាន់ជើងគ្នា...

បាត់ដំបង : ម្ចាស់ស្ថានីយមួយកន្លែងបានផ្ទេរប្រេងពីរថយន្តស៊ីទែនចូលស៊ីទែនធំក្នុងស្ថានីយ ស្រាប់តែឆ្លងចរន្តភ្លើងបណ្តាលឱ្យឆាបឆេះ យ៉ាងសន្ធោសន្ធៅ បំផ្លាញទ្រព្យ សម្បត្តិក្នុងស្ថានីយអស់ជាច្រើន។ ករណីអគ្គិភ័យនេះបានកើតឡើង នៅក្នុងភូមិឈើ ទាល ឃុំឈើទាល ស្រុកបាណន់ ខេត្តបាត់ ដំបងកាលពីល្ងាច ថ្ងៃទី ២០ ខែតុលាឆ្នាំ ២០២១។


សមត្ថកិច្ចបានឱ្យដឹងថាៈមុនកើតហេតុមាន រថយន្តស៊ីទែនផ្ទុកប្រេងបានមកផ្ទេរប្រេងចូ លស៊ីទែនធំនៅកន្លែងកើតហេតុ ក៏ឆ្លងចរន្តអគ្គិសនីហើយបានបង្កជាអណ្តាត ភ្លើងឆាប ឆេះយ៉ាង សន្ធោ សន្ធៅ មួយរំពេច នៅក្នុងស្ថានីយស្តុកប្រេង នៅផ្នែកខាងក្រោ យ។ ភ្លើងបានឆាបឆេះ រាលដាលដល់តួផ្ទះធំភ្លា មៗ បង្កការខាតបង់ទ្រព្យសម្បត្តិជាច្រើន ។ប៉ុន្តែនៅមិនទាន់ដឹង ពីទំហំនៃការខូចខាត ជាក់លាក់នៅឡើយ ទេហើយក៏ មិនបានគ្រោះថ្នាក់ដល់មនុស្សដែរ។


ផ្ទះដែលភ្លើងឆេះស្ថិតក្នុងស្ថានីយប្រេងនោះ ជាប្រ ភេទថ្ម កម្ពស់ ២ ជាន់ មានដាក់លក់ គ្រឿងសំណង់ និង លក់ប្រេង សាំងដែលម្ចាស់ឈ្មោះ ម៉ាន់ ចៃ ជាអាជីវករ។ ភ្លាមៗ កម្លាំងបង្ការពន្លត់អគ្គិភ័យ របស់ នគរបាលស្រុកនិងនគរបាល ខេត្ត បាន អន្តរាគមន៍ ពន្លត់ទប់ស្កាត់ មិន ឱ្យឆេះឆ្លង រាលដាល ទាន់ពេលវេលា ដោយប្រើប្រាស់រថយន្តទឹក ពន្លត់អគ្គិភ័យ អស់ជាច្រើនគ្រឿង៕




ថ្ងៃចេញផ្សាយ : October 22, 2021 | អ្នកនិពន្ធ: