Thursday, January 16, 2020

ទិញកាំភ្លើងរៀបគម្រោងប្លន់ ត្រូវសមត្ថកិច្ចចាប់វាយខ្នោះ នៅស្រុកស្វាយអន្ទរ ខេត្តព្រៃវែង....

(ព្រៃវែង)៖ កម្លាំងនគរបាលព្រហ្មទណ្ឌ នៃស្នងការដ្ឋាននគរបាលខេត្តព្រៃវែង សហការជាមួយអធិការដ្ឋាននគរបាលស្រុកស្វា​យ​អន្ទរ ស្រុកមេសាង និងប៉ុស្តិ៍នគរបាលរដ្ឋបាល ទឹកថ្លា បានតាមចាប់ជនសង្ស័យម្នាក់ ក្រោយជននេះបានរៀបចំគម្រោងប្លន់ទ្រព្យសម្បត្តិរបស់ប្រជាពលរដ្ឋ បន្ទាប់ពីរូបគេបានទៅទិញកាំភ្លើងមួយដើម។
ការឃាត់ខ្លួនបានធ្វើឡើងកាលពីរសៀលថ្ងៃទី១៥ ខែមករា ឆ្នាំ២០២០ នៅភូមិសង្កែជ្រុំ ឃុំទឹកថ្លា ស្រុកស្វាយអន្ទរ ខេត្តព្រៃ​វែ​ង​។
សមត្ថកិច្ចបានឱ្យដឹងថា ជនសង្ស័យឈ្មោះ ហ៊ន ណាង អាយុ២៩ឆ្នាំ រស់នៅភូមិរបោះផ្ចឹកទី២ ឃុំព្រៃឃ្នេស ស្រុកមេសាង ខេ​ត្តព្រៃវែង។
សមត្ថកិច្ចបានបញ្ជាក់ថា តាមចម្លើយសារភាពរបស់ឈ្មោះ ថន និធី អាយុ២០ឆ្នាំ នៅភូមិ៦ ឃុំជប់ ស្រុកត្បូងឃ្មុំ ខេត្តត្បូងឃ្មុំ ខ្លួនបានលក់អាវុធប្រភេទ AK-47 ស្វាយបត់១ដើម ឱ្យទៅឈ្មោះ ហ៊ន ណាង ដើម្បីរៀបចំគម្រោងប្លន់នៅស្រុកស្វាយអន្ទរ។
ក្រោយចាប់ខ្លួន សមត្ថកិច្ចបានដកហូតអាវុធ AK ស្វាយបត់១ដើម កាត់កាណុងមានបង់១ និងគ្រាប់ AK ចំនួន៧គ្រាប់។
បច្ចុប្បន្នជនសង្ស័យត្រូវបាននាំយកមកប៉ុស្តិ៍រដ្ឋបាលទឹកថ្លា ស្រុកស្វាយអន្ទរ ដើម្បីសាកសួរ និងចាត់ការតាមនីតិវិធី៕




0 Reviews:

Post a Comment