Monday, March 22, 2021

ទារិកា អាយុ២ខែ បានឆ្លងកូវីដ១៩ ពី បុគ្គលិកក្រុមហ៊ុន ស៊ិន ទ្រី


ភ្នំពេញ៖កម្លាំងរដ្ឋបាលខណ្ឌមានជ័យ និង ក្រុមគ្រូពេទ្យ នៅព្រឹកថ្ងៃទី ២១ ខែមីនា ឆ្នាំ២០២១នេះ បានចុះមកដឹកអ្នកជំងឺចំនួន៦នាក់ ដែលបានឆ្លងជំងឺកូវីដ១៩ ពីបុគ្គលិកក្រុមហ៊ុន ស៊ិនទ្រី ដែលក្នុងនោះ ក៏មានទារកអាយុទើបតែ២ខែ ផងដែរ ។

លោក សេង វ៉ាន់ថា ចៅសង្កាត់រងទី១ នៃសង្កាត់ស្ទឹងមានជ័យទី២ បានឲ្យដឹងថា អ្នកជំងឺទាំង៦នាក់នេះគឺបានឆ្លងពីឈ្មោះ ស៊យ អ៊ុយ ភេទប្រុស អាយុ៣២ឆ្នាំ ជាបុគ្គលិកក្រុមហ៊ុន ស៊ីន ទ្រី ដែលរស់នៅក្នុងផ្ទះគំរូរបស់អង្គការស្កុត ស្ថិតក្នុងភូមិដំណាក់ធំ សង្កាត់ស្ទឹងមានជ័យទី២ ខណ្ឌមានជ័យ ។

លោក សេង វ៉ាន់ថា បញ្ជាក់ទៀតថា ដោយសារការរីករាលដាលដល់ស ហគមន៍ក្នុងប្លុកផ្ទះគំរូរបស់អង្គការស្កុត អាជ្ញាធរបានសំណូមពរឲ្យប្រជាពលរដ្ឋមិនត្រូវទៅសាកសួរសុខទុក្ខ អ្នកធ្វើចត្តាឡីស័ក នៅតំបន់នោះឡើយ៕

    

0 Reviews:

Post a Comment